tuwing umuulan at kapiling ka.

isa sa mga pangarap ko eh ang makapanood at makapasok sa isang comedy bar. sabi kasi nila doon daw patay sindi ang ilaw, may mga sumasayaw na babaeng bubbles lang ang suot at mga bebot na pwede mong i-table. oops. ibang bar pala yun. sorry pfouhz. :)


eto seryoso na. sabi nila masaya daw manood sa comedy bar. [eh kaya nga comedy bar eh, alangan namang mag-iyakan sila dun. shabaw ka kiko!] tatawa ka ng tatawa hanggang sa mautot ka. malilimutan mo kahit sandali ang mga problema mo. at magagaling magpatawa ang mga stand-up comedians. isang beses nga napag-planuhan namin ng mga kaibigan ko manood sa Sitcom Las Pinas. ayun. hanggang ngayon plano pa rin sya.


yung totoo, bilib ako sa mga stand-up comedians. kahit na ganun ang mga itsura nila eh matatalino sila. impromptu ang batuhan ng jokes at laitan. witty ika nga. siguro nahasa na rin yung mga skills nila sa pagpapatawa habang tumatagal. pero di biro ang magpatawa ha. isa kaya yun sa mga pinakamahirap gawin. nandiyan yung halos tumambling ka na sa stage mapatawa mo lang yung audience mo. o kaya kelangan mo mag-isip ng pinakamabentang jokes para gumulong sa kakatawa ang mga manonood. bow ako sa kanila.


anong point ng post ko na 'to? wala lang. nag-isip lang ako ng intro para ipanood sa inyo ang isa sa mga mabentang videos ni K Brosas na isa ding stand-up comedian. ang benta lang kase sa akin. tawa ko ng tawa nung napanood ko to. sana benta din sa inyo. :)