hinaing

payapa

sa paglalakbay sa buhay

madalas paghihirap ay kaagapay

pero sa buhay na aking tinatahak

madalas ako'y tinutulak

papalayo...

mag-isa...

di makatayo...

walang kasama...

minsan nais kong maging bingi

upang di marinig ang inyong pagkutya

minsan nais kong maging pipi

upang di makapagsalita

ngunit puso ko'y nagnanais

ilabas lahat ng aking pagtitiis

sa katahimikan ko lamang madarama

tunay na ligaya at payapa

sa aking isipan binubuo

mundong aking kalalagyan

sa mundong lahat ay tahimik

sa mundong lahat ay walang pakialam

ito ang kaharian ko

kaharian ng walang malay

walang gulo...

walang kayo...

at walang ako...